كۆمسیۆنی عێراق، ژمارە و داتای كۆتایی هەڵبژاردنی ئەمجارەی پەرلەمانی عێراقی پەسند كرد بۆ دەنگدانی گشتی، تایبەت و ئاوارەكان، كە ژمارەی بەشداربووان ٢١ ملیۆن و ٤٠٤ هەزار و ٢٩١ دەنگدەر مافی بەشداریكردنیان هەیە.
ئەمڕۆ یەکشەممە ١٤ـی ئەیلولی ٢٠٢٥، جومانە غەلای، وتەبێژی كۆمسیۆنی باڵای سەربەخۆی هەڵبژاردنەكانی عێراق لە راگەیەندراوێكدا وتی، ئەنجوومەنی كۆمسیارانی كۆمسیۆن ژمارەی كۆتایی دەنگدەرانی تایبەت و گشتی و ئاوارەكانی پەسند كرد، ژمارەی ئەوانەی لە پرۆسەكە بەشداری دەكەن ٢١ ملیۆن و ٤٠٤ هەزار و ٢٩١ دەنگدەرە، لەو ژمارەیەش ٢٠ ملیۆن و ٦٣ هەزار و ٧٧٣ دەنگدەری گشتین و ملیۆنێک و ٣١٣ هەزار و ٩٨٠ دەنگدەری تایبەتن و ٢٦ هەزار و ٥٣٨ دەنگدەریشی دەنگدەری ئاوەرەن.
ئاماژەی
بەوەشکرد، ژمارەی ناوەندەكانی دەنگدانی گشتی هەشت هەزار و ٧٠٣ ناوەندە و ژمارەی
وێستگەكانی دەنگدانی گشتیش ٣٩ هەزار و ٢٨٥ وێستگەیە.
بە گوێرەی
داتاكانی كۆمسیۆن، هەڵبژاردنی پەرلەمانی عێراق بەپێی ژمارە بەم جۆرەیە:
ژمارەی
دەنگدەدران ٢١ ملیۆن و ٤٠٤ هەزار و ٢٩١ دەنگدەرە كە بەم شێوەیە دابەش كراون
دەنگدانی گشتی:
٢٠ ملیۆن و ٦٣ هەزار و ٧٧٣ دەنگدەرە
دەنگدانی
تایبەت: یەک ملیۆن و ٣١٣ هەزار و ٩٨٠
دەنگدەرە
ئاوارەكان: ٢٦
هەزار و ٥٣٨ دەنگدەرە
بۆ دەنگدانی
گشتی: هەشت هەزار و ٧٠٣ بنكەی دەنگدان دەبێت، كە ٣٩ هەزار و ٢٨٥ وێستگە دیارییدەكرێت.
بۆ دەنگدانی
تایبەت: ٨٠٩ بنكە
بۆ دەنگدانی
ئاوارەكان: ٩٧ بنكە - ٣٢١ وێستگە