AM:10:47:09/09/2025
3096 جار خوێندراوەتەوە
بڕیارە ئەمڕۆ ئەنجومەنی وەزیرانی عێراق کۆببێتەوە و راپۆرتی لیژنەکان سەبارەت بە هەناردەی نەوت و داهاتی نانەوتی دەخرێتە بەردەم سودانی و بڕیاری لەسەر دەدرێت.
ئەمڕۆ سێشەممە ٩ـی ئەیلوولـی ٢٠٢٥، چاوگێک بە ئێن ئاڕتی وت، سودانی داوایکردبوو بەزووترین کات دەست بە هەناردەی نەوتی هەرێم بکرێتەوە و داوایشی کردبوو راپۆرتی تایبەت بەهەناردەی نەوتی هەرێم تەواو بکرێت، وتیشی، بە جێبەجێکردنی رێککەوتنی نەوت و داهات موچەی مانگی حەوت و هەشت خەرجدەکرێت.
بەڵام تا ئێستا حکومەتی
ماوەبەسەرچوو پابەندی رێککەوتنەکان نەبووە و رادەستکردنی نەوتی بە بەغدا رەتکردووەتەوە
و لە رێگەی کۆمپانیاکانەوە گرفت درست دەکات، لەگەڵ ئەوەشدا داوای دواخستنی رادەستکردنی
داهاتی نانەوتی و نەوتەکەی کردووە.
هاوکات حکومەتی ماوەبەسەرچوو
دەیەوێت تاوەکو هەڵبژاردن بەغدا مووچەیەک یان دوو مووچەی دیکە بنێرێت و بەهۆی پابەند
نەبوونیشییە بە رێککەوتنەکان چارەنووسی شەش مووچەی مانگەکانی داهاتوو بە نادیاری
ماوەتەوە.
