دەرکەوتووە ئەو دژە ئۆکسێنەرانەی لە چای سەوزدایە یارمەتی بەرەنگاربوونەوەی هەوکردن و نەخۆشی شەکرە دەدات، لە هەمان کاتدا یادەوەری و تەندروستی دڵ باشتر دەکات.
بەگوێرەی ماڵپەڕی تەندروستی "Healthline" پسپۆڕان ئاماژەیان بەوەکردووە، خواردنەوەی چای سەوز پێش خەوتن کاریگەری ئەرێنی لەسەر جەستە درست دەکات، بەم شێوەیە:
١- ترشی L-theanine کە لە چای سەوزدا هەیە یارمەتی کەمکردنەوەی فشار و دڵەڕاوکێ دەدات.
٢- خواردنەوەی چای سەوز یارمەتی جوڵەی ڕیخۆڵەکان دەدات و کۆئەندامی هەرس هێور دەکاتەوە و ئاوسان و غازات کەم دەکاتەوە.
٣- چای سەوز بەرهەمهێنانی کۆلاجین لە پێستدا زیاد دەکات، ئەمەش یارمەتی کەمکردنەوەی چرچ و لۆچی و هێڵە وردەکان دەدات.
٤- خواردنەوەی چای سەوز پێش خەوتن تەندروستی قژ باشتر دەکات و وا دەکات درەوشاوەتر بێت.
٥- توانای تەرکیزکردن و بیرەوەری زیاد دەکات، ئەم کاریگەرییە بە تایبەتی بۆ کەسانی بەساڵاچوان سوودی هەیە.
٦- ئارەزووی خواردن کەمدەکاتەوە و یارمەتیدەرە لە سوتانی چەوری و دابەزاندنی کێش.
٧- بە بەردەوامی خواردنەوەی چای سەوز ئەگەری تووشبوون بە نەخۆشییەکانی دڵ کەمدەکاتەوە.
٨- رێگری لە بەرزبوونەوەی پەستانی خوێن و شەکرە دەکات.