PM:12:51:23/07/2025
7584 جار خوێندراوەتەوە
بڕیارە ئەمڕۆ شاندێكی تەكنیكی وەزارەتی دارایی و ئابووری سەردانی بەغدا بكات، لە هەمان كاتدا رێكارەكانی تەواوكاری تەمویلی مووچە تەواو بێت و ئەمڕۆ پارە بخرێتە سەر هەژماری وەزارەتی دارایی و ئابووری.
ئەمڕۆ چوارشەممە ٢٣ی تەمموزی ٢٠٢٥، دوای ئەوەی بڕیاری خەرجکردنی مووچە درا، بە پێی دوایین زانیارییەکانی ئێن ئاڕ تی، بڕیارە ئەمڕۆ تەواوی پارەی مووچە بخرێتە سەر هەژماری بانکی هەرێم و هەر ئەمڕۆش خشتەی دابەشکردنی مووچەی مانگی پێنج بڵاوبکرێتەوە.
هاوکات، وا بڕیارە
شاندێکی تەکنیکی وەزارەتی دارایی و ئابووری هەرێم سەردانی بەغدا بکات و لەگەڵ
ئەوەشدا هەر ئەمڕۆ بڕیارە وردبینی لە لیستی مووچەی مانگی شەش دەستپێ دەكات، دواتر
لیستەكە رادەستی وەزیری دارایی عێراق دەكرێت.
ئەوەش
لەکاتێکدایە سودانی وتبووی، دەبێت هەرێم پابەندی رێککەوتنەکان ببێت و کار بە
دەستوور و یاسا بکات تاوەکو لە بەرامبەردا پارەی مووچە بنێردرێت و هیچ گرفتێک دروست
نەبێت.
