کەمێک پێش ئێستا لە گوندێکی سنووری باتیفا شەڕەتەقە لە نێوان دوو بنەماڵەدا روویدا و لە ئەنجامدا کەسێک کوژرا و سێ کەسی دیکەش برینداربوون.
ئەمڕۆ هەینی ٢٣ـی ئایاری ٢٠٢٥، پەیامنێری ئێن ئاڕ تی رایگەیاند، لە گوندی بانکی لە سنووری باتیفا شەڕەتەقە لە نێوان دوو بنامەڵەدا روویدا و بەهۆیەوە کەسێک کوژرا و سێ کەسی دیکەش برینداربوون و رەوانەی نەخۆشخانەی فریاکەوتنی زاخۆ کران.
ئاماژەی
بەوەشکرد، یەکێک لە بریندارەکان برینەکەی سەختە و لە ئێستادا چارەسەری بۆ دەکرێت.
باسی لەوەشکرد، هەردوو بنەماڵەکە خزم و کەسوکاری یەکترین و کێشەکەیان لەسەر
زەوی و زار بووە و کوژراوەکە تەمەنی ٥١ ساڵە و بریندارەکانیش تەمەنیان لە نێوان ٤٠ بۆ ٦٠ ساڵدایە.
ئەوەشی خستەڕوو، پۆلیسی سنووری
باتیفا گەیشتوونەتە شوێنی رووداوەکە، شەڕەکەیان کۆنتڕۆڵکردووە و دەستیان کردووە
بە لێکوۆڵینەوە لە رووداوەکە و دادوەریش بڕیاری دەستگیرکردنی بۆ تۆمەتبارەکان دەرکردووە.
ئەوەش لە کاتێکدایە، بەهۆى رووداوەکانى شەڕ و
تەقەکردنەوە تەنها لەم مانگەدا لە ناوچە جیاوازەکانى هەرێم زیاتر لە ١٠ کەس
کوژراون.
هـ.ئـ