بەپێی نوێترین ئامار کە بەرپرسانی هیندستان و پاکستان بۆ ئاژانسی رۆیتەرزیان ئاشکراکردووە، نزیکەی ٤٠ کەس لە هەردوولا کوژراون بەهۆی پێکدادانەکانی شەوی رابردوو و نزیکەی ١٠٠ کەسی دیکەش برینداربوون.
ئەمڕۆ چوارشەممە ٧ـی ئایاری ٢٠٢٥، بەرپرسێک لە وەزارەتی بەرگریی پاکستان بە ئاژانسی رۆیتەرزی راگەیاندووە، لە هێرشەکەی سوپای هیندستاندا بۆسەر وڵاتەکەی، ٢٦ هاوڵاتیی مەدەنی کوژراون و ٤٦ـی دیکەش بریندار بوون.
هاوکات
بەرپرسێکی هیندستانیش بە ئاژانسەکەی وتووە، لە هێرشی سوپای پاکستان بۆسەر پۆلیسی
هیندستان لە کشمیر ١٠ کەس کوژراون و ٤٨ کەسی دیکەش برینداربوون.
لەلایەکی دیکەوە، دۆناڵد ترەمپ، سەرۆکی ئەمریکا هێرشەکەی بە 'شەرمەزارکەر'
ناوبرد و وتی، "ئەوەی روودەدات شەرمەزارییە، ئێستا پێمگەیشت، ئەوە چەندین
دەیە و سەدەیە ئەوانە شەڕ دەکەن، هیوادارم زوو کۆتایی بێت".
ئاڵۆزییەکانیش دوای ئەوەی دروستبوون، رۆژی
٢٥ـی مانگی رابردوو لە هێرشێکدا بۆسەر ناوچەی کشمیری هیندستان ٢٦ کەس کوژران و
حکومەتی هیندستانیش پاکستانی بە ئەنجامدەری هێرشەکە تۆمەتبار کرد.