شەپۆلێکی سارد و سەرما ناوچە جیاجیاکانی هەرێمی کوردستانی گرتەوە و سبەینێش بەشێک لە ناوچەکان پشوویان لە سەرجەم ناوەندەکانی خوێندن و فەرمانگەکان راگەیاند.
ئەمڕۆ یەکشەممە ٢٣ی شوباتی ٢٠٢٥، بەگوێرەی پێشبینییەکانی کەشناسی، سبەینێ کەشوهەوا سارد دەبێت و پلەکانی گەرما زیاتر دادەبەزن و لە هەندێک ناوچە نزیکە ١٠ پلە دەچنە ژێر سفر.کەشناسی هەرێمیش رایگەیاند، بەهۆی هاتنی شەپۆلێکی سارد و سەرماوە لە کاتەکانی بەیانیدا دیاردەی بەستن و دروستبوونی شەختە دەبێت.
هاوکات بەهۆى
نالەباریى کەشوهەواوە لە هەر یەک لە ئیدارەکانى سۆران و گەرمیان و قایمقامیەتى
پێنجوێن و تەوێڵە و بیارەى سنوری هەڵەبجە و شارباژێڕ و شەقڵاوە و قەرەداغ و سنووری شارەزوور سبەینێ
لە سەرجەم ناوەندەکانى خوێندن و فەرمانگەکان کرایە پشوو، جگە لە تاقیکردنەوىى
بەراییی ١٢ی ئامادەیی کە لە کاتى خۆیدا بەڕێوە دەچێت.
هەر بەهۆی
کەشوهەواشەوە، سبەینێ لە ناوەندەکانی خوێندن لە سنووری پارێزگای کەرکوک و هەریەک
لە پارێزگاکانی سەلاحەدین و نەینەوا پشووی فەرمییە.
هاوکات، لە شەقڵاوە تەنها خوێندنگا بنەڕەتییەکان پشووی فەرمییە، بەڵام خوێندنگا
ناوەندییەکان ناگرێتەوە بەهۆی هەبوونی تاقیکردنەوەی بەرایی.
پلەى گەرمى ئەمشەوى بەشێک لەناوچەکانى هەرێم:
هەولێر: ٢ پلەی سیلیزی
پیرمام: -٣ پلەی سیلیزی
سلێمانى: -١ پلەی سیلیزی
دهۆک: ٠ پلەی سیلیزی
هەڵەبجە: ٤ پلەی سیلیزی
کەرکووک: ٣ پلەی سیلیزی
چەمچەماڵ: ٠ پلەی سیلیزی
بازیان: ٠ پلەی سیلیزی
دەبەندیخان: ٣ پلەی سیلیزی
کەلار: ٤ پلەی سیلیزی
ئاکرێ: ٠ پلەی سیلیزی
ئامێدى: -٦ پلەی سیلیزی
بامەرنێ: -٦ پلەی سیلیزی
سۆران: -٢ پلەی سیلیزی
بارزان: -٢ پلەی سیلیزی
هەڵشۆ: -٦ پلەی سیلیزی
حاجی ئۆمەران: -١١ پلەی سیلیزی