PM:02:47:30/12/2024
3492 جار خوێندراوەتەوە
لە ئەنجامی رووداوێکی هاتووچۆدا لە ناوچەی بونا زۆریا لە ویلایەتی سیداما ٧١ کەس گیانیان لەدەستدا.
ئەمڕۆ دووشەممە ٣٠ـی کانونی یەکەمـی ٢٠٢٤، وەزارەتی ناوخۆی ئەسیوپیا رایگەیاند، لە ناوچەی بونا زۆریا لە ویلایەتی سیداما پاسێک لە رێگای سەرەکی دەرچووە و کەوتووەتە ناو رووبارێکەوە و لە ئەنجامدا بووەتە هۆی گیان لەدەستدانی ٧١ کەس.
ئاماژە بەوەشکرا، رووداوەکە نزیکەی کاتژمێر ٥:٣٠ خولەکی ئێوارە بە کاتی ناوخۆ ئەسیوپیا
روویداوە و ٦٨ پیاو و ٣ ژن گیانیان لەدەستداوە و دوو کەسی دیکەش بەسەختی بریندار
بوون.
ئەوەش لەکاتێکدایە، شوێنی رووداوەکە دەکەوێتە باشوری ئەسیوپیا کە رووداوەکە ٣٠٠ کیلۆمەتر لە باشوری ئەدیس ئەبابای پایتەختەوە
دوورە.
