AM:09:58:02/12/2024
1492 جار خوێندراوەتەوە
هەریەک لە ئەمریکا، فەرەنسا، ئەڵمانیا و بەریتانیا داوای چارەسەری سیاسیی ململانێکانی سوریا و کەمکردنەوەی پەرەسەندنەکان دەکەن.
ئەمڕۆ دووشەممە ٢ـی ١٢ـی ٢٠٢٤، هەر چوار وڵاتەکە سەبارەت بە ڕووداوەکانی ئێستای سوریا راگەیەندراوێکی هاوبەشیان بڵاوکردەوە و تێیدا هاتووە، ئەوان لە نزیکەوە چاودێریی پێشهاتەکانی سوریا دەکەن و داواش لە لایەنەکان دەکەن پەرەسەندنەکان کەم بکەنەوە و هاوڵاتیانی مەدەنی بپارێزن.
ئاماژە بەوەش کراوە، پەرەسەندنی ئێستای سوریا
پێویستی بە پەلەی چارەسەری سیاسی ململانێکان لەو وڵاتە پشتڕاست دەکاتەوە کە هاوتەریب
لەگەڵ بڕیارنامەی ژمارە دوو هەزار و ٢٥٤ـی ئەنجومەنی ئاسایشی نێودەوڵەتی.
هاوکات، لە پەویەندییەکی تەلەفونیدا ئەنتۆنی
بلینکن، وەزیری دەرەوەی ئەمریکا و هاکان فیدان، وەزیری دەرەوەی تورکیا باسیان لەوەکرد،
پێویستە هەوڵبدرێت بۆ کەمکردنەوەی گرژییەکان و پاراستنی هاووڵاتییان و ژێرخانی مەدەنی
لە حەلەب و ناوچەکانی دیکە.
لە رۆژی چوارشەممەی رابردووەوە گرژییەکانی نێوخۆی
سووریا دەستیان پێکردووە، دوای ئەوەی دەستەی تەحریری شام و گروپە چەکدارەکانی هاوپەیمانی
دەستیان بە هێرشکردنە سەر ناوچەکانی پارێزگای حەلەبی ژێر دەسەڵاتی حکومەتی سووریا
کرد.
