PM:07:20:13/11/2024
1984 جار خوێندراوەتەوە
سەرۆک وەزیرانی عێراق لە شاری سلێمانی سەردانی شاسوار عەبدولواحیدی کرد و لە ئێستادا لە کۆبوونەوەدان. لە کۆبوونەوەکەدا، پرسی مووچە و بودجە بەشێک دەبن لە تەوەرە سەرەکییەکانی گفتوگۆکان، پرسی پێکهێنانی کابینەی نوێی حکومەتیش گفتوگۆی لەبارەوە دەکرێت.
ئێوارەی ئەمڕۆ، محەمەد شیاع سودانی سەرۆک وەزیرانی عێراق گەیشتە شاری سلێمانی و لە ئێستادا لەگەڵ شاسوار عەبدولواحید سەرۆکی جوڵانەوەی نەوەی نوێ لەکۆبوونەوەدان.
لە کۆبوونەوەکەدا، پرسەکانی مووچە و بودجە و پێکهێنانی کابینەی نوێی
حکومەتی هەرێم کوردستان تاوتوێ دەکرێن.
لە ماوەی سەردانەکەیدا لە شاری هەولێر، سەرۆک وەزیرانی عێراق لەگەڵ مەسرور
بارزانی و نێچیرڤان بارزانی و مەسعود بارزانی کۆبووەوە، لە کۆبوونەوەکاندا سودانی
جەختی لە بەبانکیکردنی مووچەی مووچەخۆرانی هەرێم لەڕێگەی بانکە فیدڕاڵییەکانەوە
کردەوە، جگە لەوەش پرسی دەستپێکردنەوەی هەناردەی نەوتی هەرێم وچارەسەرکردنی
دۆسیە هاوبەشەکانى نێوان هه‌ولێر و به‌غدا لەڕێگەی گفتوگۆی بینادنەر و پابەندبوون
بە دەستووری عێراقه‌وه، تاوتوێ کران.
