بەگوێرەی زانیارییەکانی ئێن ئاڕ تی، ئەمڕۆش بەشێک لە خانەنشینانی هێزەکانی ٧٠ و ٨٠ مووچەیان وەرنەگرتووە و پێیان وتراوە ئەمڕۆ پارە لە بانکدا نەماوە و مووچە وەرناگرن.
ئەمڕۆ سێشەممە، بڕیار بوو کۆتا رۆژی دابەشکردنی مووچەی مانگی هەشت بێت، بەڵام تا ئێستا بەشێک لە خانەنشینانی هێزەکانی ٧٠ و ٨٠ مووچەیان وەرنەگرتووە.
ئەو خانەنشینانە باس لەوە دەکەن، ئەمڕۆش
پێیان وتراوە پارە نییە و ناچارن بە دەست و گیرفانی بەتاڵەوە بگەڕێنەوە ماڵەوە.
مانگی رابردووش مووچەی خانەنشینانی هێزەکانی
٧٠ و ٨٠ دواکەوت و خانەنشینان دەڵێت، چەندان ساڵ لەنێو هێزەکانی پێشمەرگەوە خزمەتی
خاک و نیشتمانیان کردووە بەڵام ئەوە وەفای دەسەڵاتی پارتی و یەکێتییە بۆیان و مووچەکانیان
دوادەخەن.
ئەوەش سەرەڕای نەگونجاوی میکانیزمی دابەشکردنی
مووچەی خانەنشیان کە وەک خۆیان ئاماژەی پێدەکەن، ماندووکەرە و پێویستە لەبەر خۆر
و باران و بە گەرما و سەرما لە نۆرەدا چاوەڕی بکەن.
چۆمان مەحمود- سلێمانی