بانکی ناوەندی روسیا رایگەیاند، لە مانگی رابردوودا یەدەگی زێری وڵاتەکە ٥.٨٪ زیادی کردووە کە بە ١٩٩.٨ ملیار دۆلار مەزەندە دەکرێت و وڵاتەکەی خاوەنی پێنجەم بەهێزترین یەدەگی زێڕە لە جیهاندا.
ئەمڕۆ سێشەممە، بانکی ناوەندی روسیا لە راگەیاندراوێکدا ئاماژەی بەوەکردووە، لە ساڵی ٢٠٢٢ و لە دوای سزا ئابوورییەکانی ئەمریکا و ئەوروپا دەستیان کردووە بە کۆکردنەوەی یەدەگی زێر.
ئەوەشی خستە روو، لە مانگی رابردوودا یەدەگی
زێری وڵاتەکە ٥.٨٪ زیادی کردووە و بە ١٩٩.٨ ملیار دۆلار مەزەندە دەکرێت و لە ساڵی رابردوودا
بە بەهای ١٨٨.٨ ملیار دۆلار خاوەنی زێڕ
بوون و ئەوەش پێشکەوتنێکی بەرچاوە.
هاوکات، روسیا خاوەنی پلەی پێنجەمە لەسەر
ئاستی جیهان بۆ یەدەگی زێڕ و ئەمریکا پلەی یەکەم دێت و ئەڵمانیا بە پلەی دووەم و
ئیتاڵیا و فەرەنساش پلەی سێیەم و چوارەمیان گرتووە.
دواتریش، چین و سویسرا و یابان و هند و
هۆڵەندا و تورکیا دێن و عێراقیش لە پلەی ٢٧ـەمینی جیهان و پێنجەمی وڵاتانی
عەرەبیدایە.