PM:04:51:01/10/2024
848 جار خوێندراوەتەوە
کۆمپانیای نەوتی نیشتیمانی لە کۆریای باشوور رایگەیاند، لە مانگی ئابی رابردوودا نزیکەی نۆ ملیۆن بەرمیل نەوت لە عێراقەوە هەناردە کراوە و بەوەش بووە بە پێنجەم گەورەترین هەناردەکاری نەوت بۆ کۆریای باشوور.
ئەمڕۆ سێشەممە، کۆمپانیای نەوتی نیشتیمانی لە کۆریای باشوور لە راگەیەنراوێکدا بڵاویکردەوە، لە ماوەی مانگی ئابی ئەمساڵدا سعودیە گەورەترین هەناردەکاری نەوت بووە بۆ کۆریای باشوور و ٢٦ ملیۆن و ٩٩٧ هەزار بەرمیلی هەناردە کردووە.
ئاماژە بەوەش کراوە، لەدوای سعودیە ئەمریکا بە هەناردەکردنی ١٥ ملیۆن و ٨٨٤
هەزار بەرمیل پلەی دووەمی ریزبەندییەکەی گرتووە و ئیماراتیش لە پلەی سێیەمدایە.
ئەوەش خراوەتە روو، لە ماوەی ئەو مانگەدا عێراق هەشت ملیۆن و ٨٨٦ هەزار
بەرمیلی هەناردە کردووە و بەراورد بە هەمان مانگی ساڵی رابردوو نزیکەی ٣٠٪ زیادی
کردووە.
