PM:11:54:31/08/2024
1612 جار خوێندراوەتەوە
گروپە چەکدارەکانی یەمەن رایانگەیاند، لەڕێگەی مووشەکەوە کەشتییەکی بازرگانیان لە دەریای سووردا کردووەتە ئامانج.
گروپە چەکدارەکانی یەمەن رایانگەیاند، ئۆپەراسیۆنێکی سەربازییان لە دەریای سووردا ئەنجام داوە و تێیدا کەشتییەکی بازرگانیان لە کەنداوی عەدەن کردووەتە ئامانج.
ئاماژەیان
بەوەش کرد، ئۆپەراسیۆنەکەیان لەڕێگەی دوو مووشەکەوە ئەنجام داوە، بەڵام
ئامانجەکەیان نەپێکاوە و مووشەکەکان لە دووری چەند مەترێک لە کەشتییەکەوە کەوتوونەتە
خوارەوە.
ئەوەش
لەکاتێکدایە، لە مانگی
تشرینی دووەمی ساڵی ٢٠٢٣ـەوە گروپە چەکدارەکانی یەمەن زیاتر لە ١٥٠ هێرشیان بۆ سەر
کەشتییە بازرگانییەکان ئەنجام داوە و بەهۆی ئەوەشەوە جوڵەی بازرگانی لە دەریای سوور
و نۆکەندی سوێز مەترسی لەسەر دروست بووە.
