بەهۆی نەبوونی خزمەتگوزاری لە هەڵەبجەدا نرخی زەوی و خانوو دابەزیوە و رێژەی بێکاریش رووی لە زیادبوون کردووە.
بەهۆی ئەوەی رێژەی بێکاری لە هەڵەبجەدا رووی لە زیادبوون کردووە و خزمەتگوزاری لە شارەکەدا نییە، بە جۆرێک زۆرینەی فەرمانگە حکومییەکان فەرمانبەری نییە، بەشێکی دانیشتووانەکەی بە ناچاری شارەکە جێدەهێڵن.
خاوەن نووسینگەکانی خانووبەرە و هاوڵاتییان بە گشتی باس
لەوەدەکەن، هۆکاری سەرەکی نەبوونی ماستەرپلانێکی گونجاو و بێخەمی حکومەتە، کە وەک
سەرجەم ناوچەکانی دیکە هەڵەبجەشی وەلاناوە.
ئاماژە بەوەشدەکەن، سەرەڕای ئەوەی لە چەند ساڵی
رابردوودا هەڵەبجە کراوە بە پارێزگا بەڵام هیچ خزمەتگوزارییەک بۆ ئەو شارە نەکراوە
و مامەڵەی وەک پارێزگا لەگەڵدا ناکرێت.
دەشڵێن، ئەو هۆکارانە بوونەتە هۆی ئەوەی کە نرخی زەوی لە
هەڵەبجەدا هەرزان ببێت.
ماوەی چەندین ساڵە هاوڵاتییانی هەرێم لەدەست حکومی هەردوو
حزبی دەسەڵاتداری پارتی و یەکێتی دەناڵێنن و ئەوان بوونەتە هۆی پەکخستنی زۆرینەی
کەرتەکان لە هەرێمدا.