پەروەردەی زیقار رایگەیاند، تاوەکو کۆتایی مانگی ١٠ـی ئەمساڵ، ٥٠ قوتابخانەی نموونەیی حکومیی تەواو دەبێت و نەخشەی ١٠٦ قوتابخانەی دیکەش دانراون.
ئەمڕۆ شەممە، سادق عەبدولڕەزا، بەڕێوەبەری پلانی پەروەردەیی لە پەروەردەی زیقار رایگەیاندووە، لە ساڵی ٢٠١٩ـەوە پلانێکیان داناوە بۆ نەهێشتنی دوو دەوامی لە قوتابخانەکاندا و لە ئێستادا بەشێکی ئەو قوتابخانانەی پلانیان بۆ دانرابوو لە تەواوبووندان.
وتیشی، "پلانی
١٠٦ قوتابخانەی نموونەیی حکومیی دیکە دانراون و سەرقاڵی تەرخانکردنی زەویین بۆیان".
ئەوەشی خستەڕوو،
ئەو قوتابخانانە رۆڵی بەرچاو دەگێڕن لە چارەسەری کەمی قوتابخانەکان و زۆری خوێندکار
لە پۆلەکان و سیستمی دوو دەوامی.
دەشڵێت، لە
چوارچێوەی ئەو پلانانەدا تاوەکو کۆتایی مانگی ١٠ـی ئەمساڵ، ٥٠ قوتابخانە تەواو دەکرێن
و رادەستی وەزارەتی پەروەردە دەکرێن بۆ دەستکردن بە دەوام تیایاندا، کە هەر
قوتابخانەیەک لە نێوان ١٢ و ١٨ و ٢٤ پۆلدان و کوالێتی باڵەخانەکان بەرزە، بە جۆرێک
سیستمی دەنگ و هێڵی ئینتەرنێت و ئاگرکوژێنەوەی تێدایە.
رادەستکردنی ٥٠
قوتابخانە و پلانی ١٠٦ قوتابخانەی دیکە 'کە نموونەیین'تەنها لە یەک پارێزگای عێراقدایە،
لەکاتێکدا، ماوەی زیاتر لە ١٥ ساڵە لە هەرێم گرفتی کەمی باڵەخانەی قوتابخانەکان هەیە
و لە زۆرینەی قوتابخانەکاندا سێ دەوام دەکرێت، جگە لە گرفتی کەمی مامۆستا؛ لەکاتێکدا
کردنەوەی قوتابخانەی زیاتر کەشی گونجاو بۆ قوتابییەکان دەڕەخسێنێت و هەلی کاری زیاتریش
بۆ مامۆستایان پەیدا دەکات.
لە ساڵانی
رابردوودا لە هەرێم چەندین قوتابخانەی نموونەیی حکومیی هەبوون، بەڵام وردە وردە رێژەی
قوتابخانەکان روویان لە کەمبوونەوە کرد و ئێستا چەند قوتابخانەیەکی کەمی نموونەیی
حکومیی لە هەرێم ماون و لەبری ئەوانە بەهۆی دەسەڵاتی پارتی و یەکێتییەوە کراون بە
قوتابخانەی تایبەت و خوێندکار دەبێت بە بڕە پارەیەکی زۆر تیایاندا بخوێنێت.