دوای نۆ ساڵ، ئەمڕۆ بۆ یەکەمجار گەشتی عەمرە لە ئێرانەوە بۆ سعودیە دەستپێدەکاتەوە و یەکەم کاروان بەڕێدەکەون.
محەمەد حسێن ئەجیلیان بەرپرسی یەکەی کاروباری حەج لە کۆمپانیای إرۆکەخانەکانی ئێران رایگەیاندووە، دوای ٩ ساڵ لەمڕۆ دووشەممەوە، گەستی چەند عەمرەکارێک لە ئێرانەوە بۆ سعودیە دەستپێدەکاتەوە.
ئاماژەی بەوەشکردووە،
ناردنی عەمرەکاران بۆ ماوەی ١٠ رۆژ لە ئێرانەوە بەردەوام دەبێت و تاوەکو رۆژی ٢ی
مانگی داهاتوو دەخایەنێت.
دەشڵێت، لە ١١
فڕۆکەخانەی ئێرانەوە رۆژانە بۆ هەریەکەیان یەک گەشت ئەنجامدەدرێت.
ئەوەشی خستە روو، ژمارەی
سەردانیکاران دەگاتە پێنج هەزارو ٧٢٠ عەمرەکاری ئێرانی و ئەمساڵ بۆ یەکەمجار
لەدوای ٩ ساڵی رابردوو گەشتی عەمرە ئەنجامدەدەن.
ئەمە لەکاتێکدایە، رۆژی هەینی رێکەوتی ١٠ی ٣ی ٢٠٢٣ شەمخانی
سکرتێری ئەنجومەنی باڵای ئاسایشی نیشتمانی ئێران و موسەید بن محەمەد ئەلعەیبان وەزیری
دەرەوەی سعودیە و فانگ یی ئەندامی مەکتەبی سیاسی کۆمیتەی ناوەندی حزبی شیوعی چین لە
پەکینەوە راگەیاندراوێکی هاوبەشیان لەبارەی رێککەوتنی سعودیە و ئێران بڵاوکردەوە.
لە ٢٢ی نیسانی ساڵی
رابردوودا، عەبدولفەتاح نەواب نوێنەری عەلی خامنەیی رابەری باڵای ئێران
رایگەیاند، دەستپێکردنەوەی گەشتەکانی عەمرە پێویستی بە گفتوگۆ و تاوتوێکردن هەیە لە
نێوان دەسەڵاتی ئێران و سعودیە.
پەیوەندییەکانی ئێران و سعودیە لە ساڵی ٢٠١٥ـەوە بە
تەواوی کێشەی تێکەوت و لە مانگی ١ی ساڵی ٢٠١٦دا بە تەواوی پەیوەندییەکانیان
پچڕاند، ئەمەش دوای ئەوەی سعودیه ٢ی كانوونی دووه‌می ٢٠١٦ به‌تۆمه‌تی تیرۆر ٤٧ كه‌سی
له‌سێداره‌دا كه زانای ئایینی شیعه مه‌زهه‌بیان لەناودا بوو و دوای ئه‌وه‌ش به‌رپرسانی
ئێران به دوای یه‌كدا كاردانه‌وه‌یان به‌رامبه‌ر سعودیه ده‌ربڕی، دواتر ئاگر به‌ردرایه
باڵیۆزخانه‌ی سعودیه له تاران و كۆنسوڵخانه‌ی سعودیه له مه‌شهه‌د.