ئاماژەی بەوەش کرد، حکومەتی کاربەڕێکەری هەرێم پاشەکشە ناکات لە پڕۆژەی "هەژماری من"، هەرکەسێکیش دەیەوێت لە رێگەی ئەو پرۆژەیەوە مووچەی مووچەخۆرانی هەرێم دابەش بکات، هەموو وردەکارییەکی هەر مووچەخۆرێکی رادەست دەکرێت.

هاوکات، ئەمرۆ چوارشەممە، تەیف سامی وەزیری دارایی عێراق لە کۆبوونەوەی لەگەڵ لیژنەی دارایی پەرلەمانی عێراق رایگەیاند، ئەوان پارەی کەمیان نەناردووە بەڵکو ئەو بڕە پارەیەیان ناردووە کە حکومەتی کاربەڕێکەر داوای کردووە بۆیان بنێردرێت بە گوێرەی ئەو لیستانەی کە رەوانە کراوە.

وەزیری دارایی عێراق وتیشی، داوا کراوە کە لە یەک مانگدا پرۆسەی بە ئەلیکترۆنیکردنی مووچەی مووچەخۆرانی هەرێم تەواو بێت تا لەوە زیاتر مووچەخۆرانی هەرێم مووچەکانیان دوا نەکەوێت و لە ئێستاشدا بۆ دابەشکردنی مووچەی مانگی شوبات زیاتر لە ٥٦٠ ملیار دیناریان بۆ وەزارەتی دارایی حکومەتی کاربەڕێکەر ناردووە.

باسی لەوەش کرد، داوایان کردووە کە هەرێم زانیارییەکانی پرۆژەی "هەژماری من" بداتە بەغدا، بەڵام هەرێم ئامادە نەبووە زانیارییەکانیان پێ بدات، ئەوەش هۆکارە بۆ ئەوەی کە نەتوانن بەهیچ جۆرێک لە رێگەی هەژماری منەوە مووچە دابەش بکەن و ناشیانەوێت لە رێگەی ئەو هەژمارەوە مووچە بۆ مووچەخۆرانی هەرێم بنێرن.