باسی لەوەش کرد، پێویستە بیر لە چارەنووسی ئەو خوینداکارانە بکرێتەوە کە خویندنیان دواکەتووە و تا ئێستاش حکومەتی کاربەڕێکەر هیچ هەوڵێکی نەداوە بۆ یەکلاییکردنەوە چارەنووسی خوێندکاران .دەشڵێت، "حوکمەتی کاربەرێکەر بەرپرسە لە دواکەوتنی پڕۆسەی خویندن و فەوتانی چارەنوسی خویندکاران".

ئاماژەی بەوەش کرد، تا ئێستا بیر لە دامەزراندن و کەرتی خزمەتگوزاری نەکراوەتە و هیچ پلانیکیشیان نەبووە بۆ کەرتی ئاوەدانکردنەوە و تەنها وەک ناو کارتی گەشتیاری و پلاندانایان هەیە.

ئەوەشی خستە روو، پێویستە لایەنە سیاسیەکان هەماهەنگی بکەن و یەکبۆچوونیی سیاسیان هەبێت لەپێناو یەکلاییکردنەوەی چارەنووسی کورد و دۆسیەی کورد لەبەردەم بەغدا و وڵاتانی دراوسێدا. وتیشی، "ئەم دۆخەی لە ئێستادا تێیداین بەهۆی ناکۆکی و ململانێی لایەنە سیاسیەکانەوەیە نەوەک عێراق و وڵاتانی دراوسێ".

سەبارەت بە دەستور و سەرەوەری عێراقیش جەختی لەوە کردەوە، لە عێراق کار بەدەستور ناکرێت و تەواوی کێشەکان بەهۆی پشتنەبەستن بووە بە دەستوورەوە بەتایبەت لە دۆسیەی کوردا.

ئەوەش لەکاتێکدایە، ماوەی نزیکی پێنج مانگە پرۆسەی خوێندن لە هەرێم دەستی پێکردووەتەوە، بەڵام بەهۆی دواکەوتن و پێنەدانی مووچەکانیان لەلایەن حکومەتی کاربەڕێکەرەوە، مامۆستایان ناچنەوە هۆڵەکانی خوێندن و باس لەوەدەکەن، "١٠ ساڵە قوربانی بە ماندوویەتی و گیرفانی خۆیان دەدەن و چیتر ناتوانن لەو دۆخەدا وانە بڵێنەوە."

نەکرانەوەی دەرگای قوتابخانەکان و خراپی دۆخی ئابووری و نەبوونی مووچە لە هەرێم کاریگەریی لەسەر تەواوی کایەکانی ژیانی هاوڵاتییان کردووە و ئەو دۆخە بووەتە هۆی پەککەوتنی خوێندن و لاوازبوونی جوڵەی بازرگانی و بازاڕ و نەبوونی هەلی کار و نەبوونی دەرمان لە نەخۆشخانەکان، تەنانەت ئەو دۆخە بەدەر نییە لەوەی کاریگەری لەسەر تەندروستی دەروونیی هاوڵاتییان دابنێت.