بەپێی ئاماری بەرێوەبەرایەتی پەروەردەی سلێمانی تا ئێستا ناوی زیاتر لە ١٥٢ هەزار قوتابی بۆ خوێندنی پۆلی یەکی سەرەتایی تۆمارکراوە و پڕۆسەکە بەردەوامی دەبێت و زۆرترین رێژەی قوتابیانیش لە بەرێوەبەرایەتی گشتی پەروەردەی هەولێر ناویان تۆمارکراوە.
ئالان حەمە سەعید وەزیری پەروەردەی حکومەتی کاربەرێکەری هەرێم راگەیەنراوێکی بڵاوکردەوە و تێیدا هاتووە، تا کاتژمێر ٤:٠٠ی دوای نیوەڕۆی رۆژی چوارشەممە ١٥٢ و هەزار و ٦٤٥ قوتابی نوێ لە پۆلی یەکی سەرەتایی تۆمارکراون.
ئاماژەی بەوەشکردووە، زۆرترین رێژەی قوتابیانی پۆلی یەکی سەرەتایی لە بەرێوەبەرایەتی
پەروەردەی هەولێر بووە و ناوی ٤٩ هەزار و ٦٥٢ قوتابی نوێ تۆمارکراون و لە پەروەردەی گشتی سلێمانیش ناوی ٣٢ هەزار قوتابی تۆمارکراوە.
ئەوەشی خستووەتەڕوو، لە بەرێوەبەرایەتی پەروەردەی دهۆک ناوی ٣٣ هەزار
قوتابی تۆمارکراوە و لە هەڵەبجە دوو هەزار و لە گەرمیانیش نزیکەی حەوت هەزار
قوتابی بۆ پۆلی یەکی سەرەتایی ناویان تۆمارکردووە.
باسی لەوەشکردووە، کۆی گشتی ژمارەی ئەو قوتابیانەی ناویان بۆ پۆلی یەکی
سەرەتایی تۆمارکردووە زیاترە لە ١٥٢ هەزار و پرۆسەی ناو تۆمارکردنیش بەردەوام
دەبێت.