PM:06:40:17/08/2023
4596 جار خوێندراوەتەوە
هاوپەیمانی باکوری ئەتڵەسی ناسراو بە ناتۆ بە ئێن ئاڕ تی راگەیاند، لەمەودوا نێردەی ناتۆ لەعێراق چالاکی ئەمنی لە وەزارەتی ناوخۆ و فەرماندەیی پۆلیسی عێراق ئەنجامدەدات و دەشڵێت، "لە راهێنانە سەربازیەکانیشدا هاوکاری ئەکادیمیا سەربازییەکان دەکەن."
هاوپەیمانی باکوری ئەتڵەسی "ناتۆ" بە دیجیتاڵ میدیای ئێن ئاڕ تی راگەیاند، نێردەی ناتۆ لە عێراق لە ساڵی ٢٠١٨ەوە دامەزراوە و لەو کاتەوە پێشنیار ئەمنی بۆ پاراستنی عێراقییەکان ئاڕاستەی وەزارەتی بەرگری و نوسینگەی راوێژکاری ئاسایشی نەتەوەیی و ناوەندی ئۆپەراسیۆنە نیشتمانییەکانی سەرۆک وەزیرانی عێراق دەکات.
ئاماژەی بەوەشکرد، لە
ئێستاشدا هەمان ئەو پێشنیازانە لەلایەن نێردەی ناتۆ لە عێراق ئاڕاستەی وەزارەتی
ناوخۆ و فەرماندەیی پۆلیسی فیدڕاڵی دەکرێت و جگە لەوەش راوێژی پرسە ئەکادیمییە سەربازییەکان
لەگەڵ دامەزراوە پەیوەندیدارەکانی عێراق دەکات.
ئەوەشی خستەڕوو، سەرجەم
ئەم چالاکیانەی ناتۆ لەسەر خواستی عێراق خۆی لە چوارچێوەی تەوای سەروەری وڵاتەکە و
سەلامەتی خاکەکەی ئەنجامدەدرێت.
