PM:10:37:17/11/2022
64504 جار خوێندراوەتەوە
بەڕیوەبەرایەتی هاتوچۆی سلێمانی راگەیەنراوێکی بڵاوکردەوە و تیایدا داوای لە هاوڵاتییان و شۆفێران کرد، ئۆتۆمبیلەکانیان دوور بخەنەوە لەسەر شەقامە سەرەکییەکانی نزیک شوێنی تەقینەوکەی سلێمانی وەلە شەقامی بازنەیی نزیک نەخۆشخانەی شار بۆ ئەوەی گرفت بۆ ئۆتۆمبیلەکانی بەرگری شارستانی و تیمە فریاگووزارییەکان و ئوتومبیلەکانی ئامبوڵانس دروست نەبێت.
ئەمڕۆ پێنجشەممە، بەرێوەبەرایەتی هاتوچۆی سلێمانی راگەیندراوێکی بڵاوکردەوە و تێیدا هاتووە، سەرجەم تیمەکانیان بە سەرپەرشتی بەرێوەبەری هاتووچۆی سلێمانی لە شوێنی رووداوەکە ئامادەن و لەسەر شەقامەکانی نزیک نەخۆشخانەی شار لە سلێمانی بڵاوەیان پێکراوە.
ئاماژە بەوەشدراوە، داوا لە هاوڵاتیانی سلێمانی دەکەن لە پێناو کار ئاسانی
دروستنەبوونی گرفت بۆ ئۆتۆمبێلەکانی بەرگری شارستانی و فریاگوزاری و ئامبولانەسەکان،
ئۆتۆمبێلەکانیان لەسەر شەقامی بازنەیی مەلیک مەحموود لە پارێزگای سلێمانی دووربخنەوە.
ئەمەش لە دوای ئەودێت، ئێوارەی ئەمڕۆ لە گەڕەکی کازیوەی شاری سلێمانی تەقینەوەیەک
روویدا و بەهۆیەوە خانوویەکی سێ نهۆمی بەتەواوەتی رووخاوە و بەپێی زانیارییە سەرەتاییەکان،
چوار کەس گیانیان لە دەستدا و نۆ کەسی دیکەش بریندار بوون.
