وەزارەتی بازرگانی عێراق رایگەیاند، پرۆسەی دابەشکردنی کارتی ئەلیکترۆنی بەشەخۆراک بەسەر هاوڵاتییانی سەرجەم پارێزگاکانی عێراق لە چوارچێوەی پڕۆژەی بە ئەلیکترۆنیکردنی بەرنامەی خۆراکی جیهانی دەستیپێکردووە.
ئیبتهال هاشم بەرێوبەری گشتی بەرێوبەرایەتی پلاندانی عێراق ئاماژەی بەوەدا، پرۆژەی کارتی ئەلیکترۆنی بەشەخۆراک رۆڵی کاروباری سەرپەرشتیکردنی بەڕێوبەرایتی پلاندانان دەبینێت.
دەشڵێت، ئەم پڕۆژەیە یەکێکە لە پڕۆژە پێشکەوتووەکان
و دەتوانرێت لەلایەن چەندین فەرمانگەی حکومییەوە پشتی پێ ببەسرێت.
ئەوەشی خستەڕوو، وەزارەتی بازرگانی عێراق
بەجۆرێک کاری لەسەر پڕۆژەی کارتی ئەلیکترۆنی بەشە خۆراک کردووە تاوەکو کۆتایی بە پێشێلکاریەکان
بهێنرێت و هەموو ئەو بەرهەمانەی هاوردەکراون ببێتە جێگەی سوود بۆ زۆربەی هاوڵاتییان.
ئیبتهال هاشم باسی
لەوەشکرد، پڕۆژەی کارتی ئەلیکترۆنی بەشەخۆراک دەرەفەتێکی نوێ دەبێت بۆ بەرزکردنەوەی
سیستەمی دابەشکردنی بەشەخۆراکی هاوڵاتیان و رێگر دەبێت لە دەستکاریکردنی ناوی ئەو
کەسانەی بەرهەماکانی بەشەخۆراک دەیانگرێتەوە.
بەرێوبەری گشتی بەرێوبەرایەتی پلاندانان
ئاماژەی بەوەشدا، سیستەمی ئەلیکترۆنی کارتی بەشەخۆراک کار ئاسانی بۆ هاوڵاتییان دەکات
تاوەکو بەرهەماکانیان لە رێگەی تۆڕە پەیوەندیە پیشکەوتووەکانەوە وەربگرن نەک لە رێگەی
سەردانکردنی فرۆشگا و بریکارەکان.