PM:10:58:25/04/2025
220 جار خوێندراوەتەوە
+
-
شمایکڵ باس لەوە دەکات نابێت تەنیا ئۆنانا
لە ئەنجامە خراپەکانی مان یونایتد تاوانبار بکرێت و پێیوایە هەمووان بەرپرسیارن.
پیتەر شمایکڵ گۆڵچی ئەفسانەی
مانچستەر یونایتد بەرگری لە ئەندرێ ئۆنانا گۆڵچی کامێرونی کرد، سەبارەت بەو رەخنانەی لەم ماوەیە رووبەرووی
بوونەتەوە.
شمایکڵ دەڵێت: وەرزێکی سەخت بووە بۆ هەمووان، بۆیە
هەڵەیە تەنها یەک یاریزان تاوانبار
بکرێت، تەنها پێویستە سەیری پێگەی تیپەکە
بکەیت لە خشتەکەدا بۆ ئەوەی بزانیت شتەکان بە باشی بەڕێوەناچن.
دەشڵێت: هەمیشە
هەوڵدەدەم بۆ خەڵک ڕوون بکەمەوە کە بۆچی یاریکردن بۆ یونایتد جیاوازە لە هەموو
یانەکانی تر، ئەم دۆخەش
پەیوەستە بە کۆمەڵەوە و نابێت بە کەسێکەوە پەیوەست بکرێت و هەمووان بەرپرسیارن.
وتیشی: ئەگەر لە یونایتد هەڵەیەک بکەیت، هەموو جیهان باسی دەکەن، بەڵام لە
یانەکانی دیکەدا ڕەنگە ڕۆژی دواتر لە ڕۆژنامەکاندا دەربکەوێت و دواتر لەبیربکرێت،
هەر بۆیە پێویستت بە توندییەکی دەروونی ناوازەیە بۆ ئەوەی یاری بۆ ئەم تیپە بکەیت.