سێ یاریزانی بەرشەلۆنە مەترسی بەشدارینەکردنیان لە کلاسیکۆ لەسەرە

PM:09:48:12/04/2024

572 جار خوێندراوەتەوە

+ -

گۆندۆگان و ئۆریۆل رۆمیۆ و کریستینسن مەترسی بەشدارینەکردنیان لە کلاسیکۆ لەسەرە.

یانەی بەرشەلۆنە خۆی بۆ ڕووبەڕووبوونەوەیەکی گرنگ لە لالیگا ئامادە دەکات، دوای ئەوەی رووبەرووی قادش دەبێتەوە، یاری داهاتووی لە لا لیگادا بەرامبەر ریاڵ مەدریدە و یارییەکی کاریگەرە لەسەر کێبڕکێی خولی ئیسپانیا.

ڕۆژنامەی مۆندۆ دیپۆرتیڤۆی ئیسپانی بڵاویکردەوە، یانە کەتەلۆنییەکە بە وریاییەوە مامەڵە لەگەڵ بەشداریکردنی ئیلکای گۆندۆگان و ئۆریۆل رۆمیۆ و کریستینسن دەکات، بەهۆی مەترسی بەشدارینەکردنیان لە کلاسیکۆ.

ئاماژەی بەوەش کردووە، سێ یاریزانە ناو براوەکە چوار کارتی زەردیان لە یارییەکانی رابردوو وەرگرتووە و ئەگەر لە یارییەکەی قادش تەنیا کارتێکی زرد وەربگرن ئەوا بەهۆی کەڵەکەبوونی کارتە زەردەکانەوە ناتوانن بەشداری کلاسیکۆ بکەن.

ئەمە لە کاتێکدایە، رۆبێرت لیڤاندۆڤسکیش بەرامبەر قادش یاری ناکات بەهۆی وەرگرتنی کارتێکی زەرد و کەڵەکەبوونی کارتە زەردەکانی لە یاری رابردوویان کە بەرامبەر لاس پاڵماس بوو.