PM:08:05:22/01/2026
580 جار خوێندراوەتەوە
چوارچێوەی هەماهەنگیی شیعەکان بۆ تاوتوێکردنی بارودۆخی سوریا کۆبوونەوە و بەپێی راگەیەندراوی کۆبوونەوەکە، "پێداچوونەوەیان بە دۆخی ئەمنی و ئاستی ئامادەیی هێزە چەکدار و ئەمنییەکان کراوە".
ئەمڕۆ پێنجشەممە ٢٢ـی کانونی دووەمـی ٢٠٢٦، محەمەد شیاع سودانی، سەرۆکوەزیرانی عێراق بە ئامادەبوونی فەرماندەی هێزەکانی حەشدی شەعبی و جێگری فەرماندەی فەرماندەیی ئۆپەراسیۆنە هاوبەشەکان، میوانداری کۆبوونەوەی سەرکردەکانی چوارچێوەی هەماهەنگی کرد.
لە بەیاننامەیەکدا نوسینگەی راگەیاندنی چوارچێوەی هەماهەنگی ئاماژەی
بەوە کردووە، "لە کۆبوونەوەکەدا پێداچوونەوە بە دۆخی ئەمنی و ئاستی ئامادەیی
هێزە چەکدار و ئەمنییەکان کراوە، لە چوارچێوەی هەوڵە بەردەوامەکاندا کە هاوکات بوو
لەگەڵ گەشتەکەی سەرۆک وەزیران بۆ سنووریسوریا".
باسی لەوەشکردووە،
"ئامادەبووان باسیان لە پێشهاتە ناوچەیی و نێودەوڵەتییەکان کردووە، بەتایبەت
ئەوانەی پەیوەندییان بە دۆخی خێرای پەرەسەندنی سوریاوە هەیە".
