PM:06:16:05/01/2026
496 جار خوێندراوەتەوە
بەپێی ئاماری تەندروستی سلێمانی لە ماوەی ساڵی رابردوودا سێ هەزار و ١٤٥ حاڵەتی توشبوون بە شێرپەنجە لە نەخۆشخانەی هیوا تۆماركراوە و لەو ژمارەیەش ١٩٠ توشبوویان منداڵ بوون.
ئەمڕۆ دووشەممە ٥ـی کانونی دووەمـی ٢٠٢٦، بەرێوبەرایەتی گشتی تەندروستی لە راگەیەندراوێكدا بڵاویكردەوە، ئەو حاڵەتی شێرپەنجانەی ساڵی رابردوو لە نەخۆشخانەی هیوا تۆماركراوە، ٦٢٤ شێرپەنجەی مەمك و ١٨٩ شێرپەنجەی كۆڵۆن و ١٨٥ شێرپەنجەی سییەكان و ١٦٧ شێرپەنجەی پرۆستات و ١٠٨ شێرپەنجەی غودەی دەرەقی و هەروەها ١٠٢ شێرپەنجەی خوێن و ١٠٢ شێرپەنجەی گەدە و ٩٨ شێرپەنجەی ریخۆڵە باریكە و ٩٥ شێرپەنجەی مێشك و ٩٣ شێرپەنجەی میزەڵدان بووە.
بەگوێرەی راگەیەندراوەكە،
ئەو حاڵەتانەی توشبوون بە شێرپەنجە ساڵی رابردوو لە نەخۆشخانەی هیوا تۆماركراون
هەزار و ٤٤٨ نەخۆشیان خەڵكی ناو شاری سلێمانی بوون و هەزار و ٣٣٠ نەخۆشیان خەڵكی
قەزا و ناحیەكان بوون و ١٤٤ نەخۆش خەڵكی هەڵەبجە و ١٢٢ نەخۆش خەڵكی كەركوك و ٤٦
نەخۆش خەڵكی هەولێر و حەوت نەخۆش خەڵكی دهۆك و ١٤٧ نەخۆش خەڵكی پارێزگاكانی تری
عێراق بوون.
