ئەمڕۆ فیدراسیۆنی نێودەوڵەتیی تۆپی پێ، هاندەرانی زاخۆی وەك باشترین هاندەری وەرزشی بۆ ساڵی ٢٠٢٥ دەستنیشان كرد و ئەمشەویش خەڵاتی باشترینی ئەمساڵیان پێشكەش دەكات.
ئەمڕۆ سێشەممە ١٦ـی کانونی یەکەمی ٢٠٢٥، لە دەوحەی پایتەختی قەتەڕ کاتژمێر هەشتی شەو ئاهەنگی خەڵاتەكانی زە بێست پێشكەش دەكرێت، كە فیفا ئەنجامی دەدات و لە ئێستاشەوە زاخۆ خەڵاتەكەی بەدەستهێناوە.
هاندەرانی زاخۆ
چۆن پاڵێوران بۆ باشترینی جیهان؟
لە رۆژی ١٣ـی
ئایاری ئەمساڵ لە یاریی زاخۆ و حدوود لە خولی ئەستێرەكانی عێراق، هاندەرانی یانەی
زاخۆ لە یاریگەی خۆیان هەزاران بووكەڵەیان فڕێدایە ناو یاریگە، وەك پاڵپشتی بۆ
منداڵانی تووشبووی شێرپەنجە.
ئەم دیمەنە
بووە جێی سەرنجی هەموو عێراق و ناوچەكە، دواتر ڤیدیۆی دیمەنی هەڵدانی بووكەڵەكان
بۆ فیفا نێردرا، بەمەش چووە ناو ركابەری بردنەوەی خەڵاتی باشترین هاندەر.
تا ٢٨ـی مانگی
رابردوو هەموو هاوڵاتییانی کوردستان دەنگیان دا، هاوڵاتی و بەرپرسانی كوردستان و عێراق،
كوردانی پارچەكانی دیكەی كوردستان، كوردانی تاراوگە و بەشێك وڵاتانی دەوروبەر.
ئەمڕۆش فیفا
رایگەیاند، هاندەرانی زاخۆ یەكەمن و ئەمشەویش خەڵاتەكە وەردەگرن.