ئاماژەی بەوەشکرد، "لە تەواوی جیهاندا گۆڕانکاری گەورە بە هەڵبژاردن دروست دەبێت، بۆیە شۆڕشی گۆڕانکاری لەناو سندوقەکانی دەنگدانەوە دەستپێدەکات".

وتیشی، "شاسوار عەبدولواحید دەنگەکانی خەڵکی نەفرۆشتووە بە کورسی و بە پارە و بە پۆستی مودیر عام، پارتی و یەکێتی لە بە‌غدا دەنگی خەڵکیان بۆ پۆستێکی مودیر عام و وەکیل وەزیر گۆڕیوەتەوە".
باسی لەوەشکرد، "نەوەی نوێ تاکە هێزی ئازا بووە بەرامبەر بە خراپی دەسەڵات وەستاوەتەوە و سازشی بۆ نەکردووە، هەروەها شاسوار عەبدولواحید تاکە سەرۆکە خۆی و خێزانەکەی و دایکی بەشداری خۆپیشاندانیان کردووە".
ئەوەشی خستەڕوو، "جێگای گاڵتەجاڕییە دەسەڵات بە ئۆپۆزسیۆن بڵێت چییان کردووە، نەوەی نوێ بە ئەرکی خۆی زانیوە ئاوی بردووە بۆ هاوڵاتیانی هەولێر و دەسەڵاتی پێ ریسوا کردووە، لەکاتێکیشدا کە ویستومانە چەندین پڕۆژە لەهەولێر ئەنجامبدەین دەسەڵات رێگری کردووه".
وتیشی، "نەوەی نوێ و سەرۆکەکەی ئەوەندە راستگۆن لەگەڵ خەڵکدا ئێستا سەربەرزانە داوای دەنگیان لێدەکەن، بەڵام پارتی و یەکێتی مووچە نادەن و زۆر بێ شەرمانە داوای دەنگ لە هاوڵاتییان دەکەن".
جەختی لەوەشکردەوە، "پارتی و یەکێتی لە نەوەی نوێ دەترسن، چونکە دەزانن دەسەڵات دەگرینە دەست".
لە کۆتایی قسەکانیشیدا ئاماژەی بەوەکرد، "شاسوار عەبدولواحید، سەرۆکی جوڵانەوەی نەوەی نوێ تاکە سەرکردەوەیە کە لەبەر قوتی خەڵک لە زینداندایە".