PM:04:51:04/09/2025
2372 جار خوێندراوەتەوە
دەزگای ئاسایشی هەرێم دەڵێت، دوای بەدواداچوون و كۆكردنەوەی زانیاری ورد، توانیان بكەرانی رووداوی تەقەكردن لەرۆژنامەنووس هێمن مامەند دەستگیر و دەستنیشان بكەن.
ئەمڕۆ پێنجشەممە ٤ـی ئەلولی ٢٠٢٥، بەگوێرەی راگەیەندراوێكی دەزگای ئاسایشی هەرێم، شەوی ٢ـی ئەم مانگە رۆژنامەنووس و چالاكوان (هێمن مامەند) لەگەڕەكی عەقاری شاری سلێمانی، لەلایەن دوو كەسی ماتۆڕسوار درایە بەر دەستڕێژی گولە و بە دوو فیشەك بریندار كرا.
ئاماژە
بەوەشکراوە، لەسەر ئەم رووداوە دەزگای ئاسایشی هەرێم بەبڕیاری دادوەر فەرمانی
دەستگیركردن بۆ تۆمەتبارانی رووداوی تەقەكردنەكە دەرچووە و بەپێی بەڵگەكان،
ئەندامانی تیمەكەیان دەستگیركراون و دوو تۆمەتباری دیكە لەئەنجامدەرانی تاوانەكە
بەرەو پارێزگای هەولێر هەڵاتوون.
وەك لە
راگەیەندراوەكەدا هاتووە، لەئەنجامی لێكۆڵینەوەكان دەركەوت كۆی پیلانەكەیان
بەرنامە دارێژڕاوبووە بۆ تاوانێكی رێكخراو، مەبەستیان تیرۆركردنی چالاكوان و رۆژنامەنووس
( هێمن مامەند ) بووە.
دەزگای ئاسایشی
هەرێم لەداهاتوودا ووردەكاری پیلانەكە و زانیاری لەسەر بكەرانی ئەم هەوڵی
تیرۆركردنە بۆ رایگشتی دەخاتەڕوو.
