نێردەی تایبەتی ئەمریکا بۆ سوریا دەڵێت، ئیسرائیل و سوریا لەسەر هێورکردنەوەی دۆخی سوەیدا رێککەوتن.
ئەمڕۆ هەینی ٢٥ی تەمموزی ٢٠٢٥، تۆم باراک، نێردەی تایبەتی ئەمریکا بۆ سوریا بڵاویکردەوە، بەرپرسانی ئیسرائیل و سوریا لە کۆبوونەوەیەکدا لە فەرەنسا دانوستانیان لەسەر هێورکردنەوەی دۆخی پارێزگای سوەیدا کردووە.
تۆم باراک وتیشی، لە پاریس لەگەڵ نوێنەری سوریا و ئیسرائیل کۆبووەتەوە و ئامانجیان گفتوگۆ و
هێورکردنەوەی دۆخەکە بووە و ئامانەجەکەشیان بەدەستهێناوە.
هاوکات، ئەم
گفوگۆیە کە بە نێوەندگیریی ئەمریکا کرا، بوو بە یەکەمین کۆبوونەوەی وەزیرانی
ئیسرائیل و حکومەتی نوێی سووریا.
ئەوەش لەکاتێکدایە، گرژییەکانی
پارێزگای سوەیدای سوریا لە نێوان دروزەکان و هۆزە دەشتەکییەکان بووە هۆی کوژرانی
زیاتر لە هەزار کەس، ئیسرائیلیش چەند جارێک هێرشی کردە سەر هێزە ئەمنییەکانی سوریا
و وەزارەتی بەرگریی ئەو وڵاتە لە دیمەشق.