لە کەیسی دادگایی شاسوار عەبدولواحید دا؟

1908 جار خوێندراوەتەوە

لە کەیسی دادگایی شاسوار عەبدلواحید دا، ئەوە مافی خاوەن پشکەکان و سکاڵاکاران نییە کە تۆمەتباری ڕاپێچی دادگا کردووە، بەڵکو لەلایەک بەرژەوەندی و ڕقی یەکێتی جوڵێنەری کەیسەکەیە، لەلایەکی تریشەوە بڵاوکردنەوەی هەڕەشەو ترس و تۆقاندنە لەناو خەڵکی ئەم سنورەدا.

سلاڤۆ ژیژەک دەڵێ: سیستم پێشوەختە هۆکاری مانەوەی خۆی دەستەبەر دەکات، دەی ئەم سیستمە نوێیەی یەکێتی لە پاڵ کەیسەکانی شاسور و لاهوردا، پێمان دەڵێت:

ئەگەر هێزی چەکدارت هەبێت، ئەوا بەدەردی لاهورتان دەبەین.

ئەگەر چەکیشتان نەبوو ئەوا بەدەردی شاسوارتان دەبەین.

لەم سۆنگەیەوە، ئەوەی بە ناوی دادگاوە ڕودەدات جگە لە شانۆگەری هیچی تر نییە.

دادپەروەری و دەستبەرکردنی مافی مرۆڤ تەنها بۆ تاونلێکراوان نیە، بەڵکو بۆ تۆمتبارانیشە.

هەر دادگایەک نەتوانێ مافی تۆمەتبار بپارێزێت، هەرگیز ناتوانێ مافی تاونلێکراو وەربگرێتەوە.

لە وڵاتێکدا کە دادگاو یاسا سەروەربێت، بێلایەنی پێویست و جوانە.

وەلێ لە وڵاتێکدا کە دادگا کلکو گوێی ستەمکارە، بێلایەنی وەک کوشتنی قوربانییە بە چەکی بێدەنگ.

دەی لە وەها دۆخێکدا کە دەستێوەردان و دیوی تاریک و گوماناوی هەیە، وا دەخوازی ئەو لایەنانەی کە خۆیان بە موعارەزە دەزانن، بە فەرمی داوای چاودێری کەیسی هاوموعارەزەکانیان بکەن و دور لە ڕق و تۆڵە راستییەکان بە خەڵک بڵێن.