PM:12:25:01/09/2025
5952 جار خوێندراوەتەوە
وەزارەتی دارایی حکومەتی ماوەبەسەرچوو لیستی مووچەی مانگی شەشی بڵاوکردەوە، بە گوێرەی لیستەکەش، سبەینێ سێشەممە، مووچەی زۆربەی وەزارەتەکان دابەشدەکرێت و پرۆسەکە تاوەکو رۆژی پێنجشەممە بەردەوام دەبێت.
ئەمڕۆ دووشەممە یەکـی ئەیلولی ٢٠٢٥، بە گوێرەی لیستی مووچە کە وەزارەتی دارایی و ئابووری حکومەتی ماوەبەسەرچوو بڵاویکردووەتەوە، مووچەی وەزارەتەکانی خانەنشینانی شارستانی، خاوەن پێداویستی تایبەت، زیندانە سیاسیەکان، بەرکەوتووانی کیمیاباران، کەسوکاری شەهیدان، ئەنفالکراوان، پەروەردە، دارایی و ئابووری، دەستەی دەستپاکی، دەستەی ژینگە، دەزگای مین، مافی مرۆڤ، دیوانی چاودێری دارایی، کۆمیسیۆنی باڵای هەڵبژاردن، ناوچەکانی دەرەوەی هەرێم دابەشدەکرێت.
هەر بەپێی
لیستەکە، رۆژی چوارشەممە، ٣ـی ئەیلول، وەزارەتەکانی ئاوەدانکردنەوە و نیشتەجێکردن،
تەندروستی، ناوخۆ، داد، ئەنجومەنی دادوەری، پلان دانان، بازرگانی و پیشەسازی،
سامانە سروشتییەکان، گواستنەوە و گەیاندن، کشتوکاڵ و سەرچاوەکانی ئاو، شارەوانی و
گەشتوگوزار مووچەی مانگی شەش وەردەگرن.
رۆژی پێنجشەممە
٤ی ئەیلول، وەزارەتەکانی کار و کاروباری کۆمەڵایەتی، رۆشنبیری لاوان، کارەبا،
ئەوقاف و کاروباری ئاینی، خوێندنی باڵا و توێژینەوەی زانستی، سەرۆکایەتی پەرلەمان،
سەرۆکایەتی ئەنجومەنی وەزیران، سەرۆکایەتی هەرێم، پێشمەرگە ( دیوان و لیواکان)،
یەکەی ٧٠ و ٨٠، پۆلیسی دام و دەزگا نەوتییەکان، ئەنجومەنی ئاسایش و دەزگای ئاسایش،
هێزی زێرەڤانی و فەرماندەی بەرگری فریاکەوتن مووچەی مانگی شەش وەردەگرن.
