PM:08:04:12/04/2025
5688 جار خوێندراوەتەوە
لەدوای كۆتایی هاتنی دانوستانەكان لە مەسقەتی پایتەختی عوممان نێردەی سەرۆکی ئەمریکا بۆ رۆژهەڵاتی ناوەڕاست رایگەیاند، دانوستانەکانیان لەگەڵ وەزیری دەرەوەی ئێران ئەرێنی و بنیاتنەر بوون.
ئەمڕۆ شەممە ١٢ـی نیسانی ٢٠٢٥، ستیڤ ویتکۆف، نێردەی دۆناڵد ترەمپ، سەرۆکی ئەمریکا بۆ رۆژهەڵاتی ناوەڕاست لە تۆڕی کۆمەڵایەتی ئێکس نوسیویەتی، "گفتوگۆیەکی زۆر ئەرێنی و بونیادنەرمان ئەنجامداوەو ئەمڕۆ دەگەڕێمەوە ئەمریکا".
لە
بەرامبەردا عەباس عەراقچی، وەزیری دەرەوەی ئێران رایگەیاندووە، گفتوگۆکانیان بۆ دانوستان لەگەڵ ئەمریکا بەردەوام دەبێت و هەفتەی داهاتوو جارێکی دیکە کۆدەبنەوە.
ئەوەش
لە کاتێکدایە ئەمڕۆلەسەر پرسی بەرنامە ئەتۆمیەكەی
ئێران، گفتوگۆكانی نێوان تاران و واشنتن بەشێوەی ناڕاستەوخۆ لە مەسقەتی پایتەختی
عوممان لەیەك باڵەخانەدا، بەڵام لە دو ژووری جیاواز ئەنجامدرا.
