AM:09:34:21/01/2025
2780 جار خوێندراوەتەوە
گفتوگۆکان سەبارەت بە چارەنوسى مووچەى مانگى ١٢ لە نێوان شاندى عێراق و حکومەتى کاربەرێکەر لە هەولێر دەستى پێکرد و بەپێى زانیارییەکان ئەمڕۆ شاندەکەى عێراق لەسەر مووچەى مانگى ١٢ و چارەنوسى مووچەى مانگەکانى ٢٠٢٥ لەگەڵ هەرێم گفتوگۆ دەکەن.
ئەمڕۆ سێشەممە ٢١ی کانونی دووەمی ٢٠٢٥، بەپێی زانیاریەکان، دواى گەڕانەوەى شاندەکەى هەرێم، شەوى رابردوو شاندێکى عێراق گەیشتە هەولێر و گفتوگۆکان سەبارەت بە مووچە دەستى پێیکردووە.
بپێى زانیارییەکان هێشتا چارەنوسى مووچەى
مانگى ١٢ یەکلایینەکراوەتەوە، چونکە بەغدا دەڵێت پارەى پێویست بۆ هەر ١٢ مانگەکەى ٢٠٢٤
نێراوە و حکومەتى کاربەرێکەر خۆى بەرپرسە لە دابەشنەکردنى، حکومەتى کاربەرێکەر لە
دواین راگەیەندراویدا دەڵێت بۆ مووچەى مانگى ١٢ تەنها ٢٦٤ ملیار دینارى وەرگرتووە
و کورتهێنانى هەیە.
