ئەوەشی خستەروو، بڕیارە تا رۆژى سێ شەممە، بەغدا دوو چەردە پارە کە ٢٨٠ ملیار دیناری زیادەی مووچەی مانگی ١١ و ٨٠٠ ملیار دیناری بۆ مووچەی مانگی ١٢ـەیە، رەوانەی هەرێم بکات.

هاوکات، دواى بڵاوبوونەوەى دەنگۆی بوونى گرفتى کەمی پارەى کاش لە عێراق لە بەشێک لە میدیاکاندا، وەزارەتی دارایی عێراق دڵنیاییدا و رەتی کردەوە کێشەى کەمی نەختینەیان هەبێت بۆ دابەشکردنی مووچەی مانگی ١٢ـی سەرجەم فەرمانبەرانی عێراق و دەلێت دەستیان کردوە بە دابەشکردنى مووچەى ئەم مانگە بەپێی خشتەى دیاریکراوی وەزارەتەکان.

وەزارەتی دارایی عێراق لە ڕاگەیاندراوێکدا ئاماژەی بەوەشکرد، پابەندن بە دابەشکردنی مووچەی مانگی ١٢ لە کاتی خۆیدا و هیچ کێشەیەکی نەختینەیان نیە، باسى لەوەشکردووە، فەرمانگەی ژمێریاری پارەی خستووەتە سەر هەژماری بانکی فەرمانبەرانى وەزارەتەکان و پارێزگاکان و دەستە سەربەخۆکان.

ئەوەشی خستەڕوو، بەردەوام لە کاردان بۆ خەرجکردنی شایستە داراییەکان بەبێ هیچ دواکەوتن و بڕینێک و مووچە بەپێی خشتەى دیاریکراو دابەشدەکرێت.

ئەمە لەکاتێکدایە، زیاتر لە ١٠ رۆژە بەغدا ٦٣٠ ملیار دیناری بۆ مووچەى مانگی ١١ـی هەرێم ناردووە، بەڵام حکومەتى کاربەڕێکەر ئامادە نییە بە داهاتى ناوخۆ پارەکە تەواوبکات و بەلای کەمەوە مووچەى مانگی ١١ دابەشبکات.