پارێزگاری هەولێر رایگەیاند، بەهۆی لافاوەکەی چەند رۆژی رابردووەوە ٥٠٠ خێزان، ناوماڵ و کەلوپەلەکانیان بە تەواوتی لهناوچووە و ١٣٠ ئۆتومبێل بەر لافاو کەوتن و لەکارکەوتوون.
دواى ئەوەى رۆژى شەممە، بەهۆى بارینى شەپۆلێکی بارانى بەخوڕ
لافاو له بەشێکى شارى هەولێر روویدا، ئومێد خۆشناو پارێزگاری هەولێر رایگەیاند، بۆ
زانین و دەرخستنى رێژەى ئەو زیانانەى کە بەهۆى لافاوەکەوە بەر هاوڵاتییان کەوتووە،
چەند لیژنەکەیان پێکهێناوە و دەرەنجام زەرەر و زیانەکان بەمشێوەیە دیاریکراون:
یەکەم/ ٥٠٠ خێزان، ناوماڵ و کەلوپەلەکانیان بە تەواوتی
لهناوچووە.
دووهم/ ١٣٠ ئۆتۆمبێل بەر لافاو کەوتن و لەکارکەوتوون.
سێیەم/ ١٢٧ خانوو زیانیان بەرکەوت.
چوارەم/ دوو قوتابخانە و چەند پڕۆژەیەکى دروستکردنى شەقام
و تۆڕەکانى کارەبا و ئاو و ئاوەڕۆکان زیانیان بەرکەوتووە.
پێنجەم/ هیچ زیانێکى گیانى نەبووە.
ئەوەش لەکاتێکدایە، رۆژی شەممە، شەپۆلێکی بەهێزی
بارانبارین و تەرزە هەندێک ناوچەی هەرێمی گرتەوە، ئەمەش بووە هۆی سەرهەڵدانی لافاوێکی
گەورە لە بەشێک لە شار و شارۆچکەکان، بە تایبەتی هەولێر و بەوهۆیەوە رۆژی یەکشەممە
پشوو لەو پارێزگایەدا راگەیەنرا.