نرخی ئۆنسەیەک زێڕ بەراورد بە نرخی رۆژی رابردووی لەکاتی کردنەوەی بازارەکاندا نزیکەی ٦٠ دۆلار بۆ هەر ئۆنسەیەک دابەزی.
ئەمڕۆ سێشەممە ٢٦ـی ١١ـی ٢٠٢٤، نرخی ئۆنسەیەک زێڕ بەراورد بە کۆتا نرخی لەکاتی داخستنی بازاڕەکاندا بەرزبووەتەوە و هەر ئۆنسەیەک شەش دۆلار لە نرخەکەی بەرزبووەتەوە، لە ئێستاشدا ئۆنسەیەک لەو کانزایە بە نزیکەی شەش دۆلار بەرزبووەوە و ئۆنسەیەکی بە دوو هەزار و ٦٢٢ دۆلار مامەڵەی پێوەکرا.
شارەزایان هۆکاری دابەزینی نرخی زێڕ بۆ هەوڵەکانی ئاگربەست لەنێوان
ئیسرائیل و لوبنان دەگەڕێننەوە.
ئەوەش لەکاتێکدایە، لەلایەکی دیکەوە، دۆناڵد ترەمپ، سەرۆکی هەڵبژێردراوی ئەمریکا
کە ساڵی داهاتوو وەک سەرۆکی ئەو وڵاتە دەسەڵات دەگرێتەدەست، رایگەیاندووە پێناسی
گومرگی بەسەر کەنەدا، مەکسیک و چین دا دەسەپێنێت، ئەمەش بووەتە هۆی بەرزبوونەوەی بەهای
دۆلاری ئەمریکی، کە لە ئەنجامدا بە نەرێنی کاریگەری لەسەر نرخی زێڕ داناوە.
هاوکات، لە بازاڕەکانی هەرێم بەراورد بە دوێنێ، نرخی هەر مسقاڵێک لە زێڕ
دابەزیوە.
نرخی زێڕ لە بازاڕەکانی هەرێمی کوردستان:
نرخی یەک مسقاڵ زێڕی عەیارە ١٨ بە ٤٨٢ ھەزار دینارە.
نرخی یەک مسقاڵ زێڕی عەیارە ٢١ بە ٥٦٣ ھەزار دینارە.
نرخی یەک مسقاڵ زێڕی عەیارە ٢٢ بە ٥٨٩ هەزار دینارە.
نرخی یەک مسقاڵ زێڕی عەیارە ٢٤ بە ٦٤٣ هەزار دینارە.