PM:03:25:03/11/2024
1036 جار خوێندراوەتەوە
بەڕێوەبەرایەتیی هاتوچۆی گەرمیان رایگەیاند، بەهۆی رووداوێکی هاتوچۆوە لە سەنتەری شاری کەلار شەش کەس بریندار بوون.
بەڕێوەبەرایەتیی هاتوچۆی گەرمیان لە راگەیەندراوێکدا بڵاوی کردەوە، بەیانیی ئەمڕۆ مینی پاسێک و ئۆتۆمبێلێکی جۆری کیا سپۆرتاج لە سەنتەری شاری کەلار پێکیاندا دا، بەهۆیەوە هەر دوو شۆفێرەکە و چوار سەرنشین بریندار بوون.
ئاماژەی بەوەش
کردووە، چوار برینداریان لە ئۆتۆمبێلی جۆری کیا سپۆرتاجدا بوون و دوو برینداریان لە
مینی پاسەکەدا بوون.
باسی لەوەش کردووە،
هەر شەش بریندارەکە گواستراونەتەوە بۆ نەخۆشخانەی فریاکەوتنی شەهید هەژار و لێکۆڵینەوە
لە رووداوەکە لە لایەن تیمی هاتوچۆوە دەستی پێکردووە.
