نرخی نەوت لە بازاڕەکانی جیهاندا تا رادەیەک بە جێگیری ماوەتەوە و بەرمیلێک نەوتی خاوی برێنتیش بە ٧٣ دۆلار و ١٠ سەنت مامەڵەی پێوە دەکرێت.
ئەمڕۆ یەکشەممە، بە گوێرەی پێنوێنیی جیهانی، نرخی بەرمیلێک نەوتی رۆژئاوای تێکساس بە ٦٩ دۆلار و ٤٩ سەنت مامەڵەی پێوە دەکرێت و بەراورد بە دوێنێ شەممە، نرخەکەی جێگیرە.
لە کۆتاییەکانی مانگی رابردوودا نرخی نەوت
لە جیهاندا بە شێوەیەکی بەرچاو دابەزینی بەخۆیەوە بینی، بەجۆرێک، نرخی بەرمیلێک نەوتی
خاوی برێنت گەیشتە نزیکەی ٦٧ دۆلار، بەڵام دوای هێرشە مووشەکییەکەی ئێران بۆ سەر ئیسرائیل
و ناجێگیریی دۆخی رۆژهەڵاتی ناوەڕاست، نرخی نەوت بەشێوەیەکی بەرچاو رووی لە بەرزبوونەوە
کرد.
لە ماوەی رابردووداشدا، رێکخراوی ئۆپیک
پڵەس بەرهەمهێنانی نەوتی رۆژانەی بە بڕی پێنج ملیۆن و ٨٦ هەزار بەرمیل کەم کردەوە
و ئەو کەمکردنەوەیە تاوەکو کانونی یەکەمی ئەمساڵ بەردەوام دەبێت، دواتر بەرهەمهێنانی
١٨٠ هەزار بەرمیل نەوت زیاد دەکەن.