بانکی بازرگانیی عێراق رایگەیاند، بە مەبەستی فرۆشتنی دۆلار بە نرخی فەرمی بە گەشتیاران لقی نوێیان لە فڕۆکەخانەی نێودەوڵەتیی هەولێر و سلێمانی کردووەتەوە و لە سبەینێوە دەست بە فرۆشتنی دۆلار دەکەن بەو توێژە.
ئەمڕۆ شەممە، بانکی بازرگانیی عێراق TBI لە راگەیەنراوێکدا بڵاویکردەوە، بە ئامانجی فراوانکردنی خزمەتگوزارییە بانکییەکانیان بۆ هاوڵاتیان، لقی نوێیان لە فڕۆکەخانەی نێودەوڵەتیی هەولێر و سلێمانی کردووەتەوە.
ئاماژە بەوەش کراوە، لە سبەینێوە ٢٧ـی ١٠، پڕۆسەی فرۆشتنی دۆلار بە نرخی
فەرمی بە گەشتیاران لە هەردوو فڕۆکەخانەکە دەست پێدەکات و بۆ ماوەی یەک هەفتە
بەردەوام دەبێت.
باس لەوەش کراوە، لەو هەفتەیەدا گەشتیاران دەتوانن سەردانی لقی بانکەکە بکەن
لە فڕۆکەخانەی نێودەوڵەتیی هەولێر و سلێمانی و سوودمەند بن لە خزمەتگوزارییەکە.
چۆن
گەشتیاران دۆلار وەردەگرن؟
هەر گەشیارێک
کە داواکاری پێشکەش کردووە بە نوسینگەکان و بانکەکان، لەکاتی سەردانیکردنی
فڕۆکەخانە و بەر لەوەی گەشت بکات سەردانی سەکۆکان دەکات و بەو پسوڵەیەی وەریگرتووە
بڕی پارەکەی پێدەدرێت بەمەرجێک کە لە سێ هەزار دۆلار زیاتر نەبێت.