کەمێک لەمەوبەر، حزبوڵای لوبنان لە راگەیەنراوێکدا کوژرانی حەسەن نەسروڵای ئەمینداری گشتیی حزبەکەیان پشتڕاست کردەوە.
ئەمڕۆ شەممە، سوپای ئیسرائیل رایگەیاند، لە هێرشێکی ئاسمانییدا بۆ سەر لوبنان، حەسەن نەسروڵا، ئەمینداری گشتیی حزبوڵای لوبنان کوژراوە، حزبوڵای لوبنانیش لە سەرەتادا دەنگۆی کوژرانی حەسەن نەسروڵایان رەت کردەوە.
کەمێک لەمەوبەر
و لە راگەیەنراوێکدا، حزبوڵای لوبنان رایگەیاند، حەسەن نەسروڵا لە بۆردوومانێکی
سوپای ئیسرائیلدا کوژراوە.
ئەوەش لەکاتێکدایە، سوپای ئیسڕائیل بڵاوی کردەوە، هێرشێکی گەورەیان
کردووەتە سەر بارەگاى سەرەکى حزبوڵا لە باشورى شارى بەیروت و بەهۆیەوە حەسەن نەسروڵا
ئەمیندارى گشتى حزبەکە کوژراوە لەگەڵ فەرماندەیەکی حزبوڵا کە بەرپرس بووە لە هێرشە
مووشەکییەکان بۆ سەر ئیسڕائیل.
هاوکات، بەهۆی هێرشەکانی ئیسرائیل بۆ سەر خاکی لوبنان بەشێک
لە وڵاتان گەشتی فرۆکەوانیان بۆ هەریەک لە لوبنان و ئیسرائیل راگرت.