بۆ مانگی حەوت نرخی یەک ئەمپێری مۆلیدەی ئەهلی لە هەولێر لەنێوان ١١ هەزار و ٢٥٠ دینار بۆ ١٦ هەزار و ٧٥٠ دینار دەبێت، لە دهۆکیش ١٧ هەزار و ٥٠٠ دینار دەبێت.
ئەمڕۆ پێنجشەممە، خۆران خۆرانی سەرۆکی مۆلیدە ئەهلییەکانی هەولێر بە ئێن ئاڕ تی راگەیاند، لە مانگی حەوتدا ٢٦٥ کاتژمێر بۆ ٤١٣ کاتژمێر کارەبای مۆلیدە دراوە بە هاوڵاتیان و نرخی یەک ئەمپێر لەنێوان ١١ هەزار و ٢٥٠ دینار بۆ ١٦ هەزار و ٧٥٠ دینار دەبێت.
لە دهۆکیش بەگوێرەی زانیارییەکانی ئێن ئاڕ تی، نرخی یەک ئەمپێر مۆلیدەی ئەهلی
١٧ هەزار و ٥٠٠ دینارە.
پێشتر، بەڕێوەبەرایەتیی کارەبای سلێمانی نرخی کارەبای مۆلیدەی سیتییەکانی بۆ
ئەم مانگە دیاری کرد و ئاماژەی بەوە کرد، نرخی هەر کیلۆواتێک کارەبا بۆ سیتییەکان
٢٥٨ دینار دەبێت.
ئاماژەی بەوەش کرد، نرخی یەک کیلۆوات کارەباى مۆلیدەى سیتییەکان ٢٥٨ دینارە،
بەراورد بە مانگی حوزەیرانی رابردوو کە نرخی هەر کیلۆواتێک ٢٥٤ دینار بوو، چوار دینار
لە نرخەکەی بەرز بووەتەوە.
هێرش قادر- هەولێر
تایف گۆران- دهۆک