سەردێڕ:

قەرزی ٢٠ ملیۆن دیناری دەدرێتە هاوڵاتیان

PM:06:25:09/07/2024

29780 جار خوێندراوەتەوە

وەزارەتی کار و کاروباری کۆمەڵایەتی عێراق رایگەیاند، بە مەبەستی کەمکردنەوەی بێکاری و رەخساندنی هەلی کار لە سەرتاسەری عێراقدا، بڕیاریان داوە تا ٢٠ ملیۆن دینار قەرز بدەنە هاوڵاتیان.


نەجم عەقابی، بەڕێوەبەری راگەیاندنی وەزارەتی کار و کاروباری کۆمەڵایەتی عێراق رایگەیاند، کۆمەڵێک یاسایان دەرکردووە کە پشتیوانی زیاتری کەرتی تایبەت دەکات بە ئامانجی رەخساندنی هەلی کاری زیاتر و کەمکردنەوەی هەژاری.

ئاماژەی بەوەش کردووە، حکومەت قەرزی تا ٢٠ ملیۆن دینار دەدات بە هاوڵاتیان. دەشڵێت، " رێژەی پێدانی قەرزەکە مانگانە ملیۆنێک دینارە".

ئەوەشی خستووەتە روو، تا ئێستا زیاتر لە دوو ملیۆن و ١٥٠ هەزار خێزان لە دەستەبەری کۆمەڵایەتیدا تۆمار کراون و مانگانە هاوکاری دەکرێن.

باسی لەوەش کردووە، ئەو کەسانەی کە لە دەرەوەی کەرتی تایبەت و گشتیدان، حکومەت لە دەستەبەری کۆمەڵایەتیدا جێگیری کردوون و مانگانە بڕی ٣٥٠ هەزار تا ملیۆنێک و ٧٥٠ هەزار دیناریان پێ دەدات.













گەلەری