گروپی چەکداری حەماس رایگەیاند، داوای بەهانەوەچوون لە سەرجەم دامەزراوە فریاگوزاری و تەندروستی و خێرخوازییەکان لە تەواوی وڵاتانی عەرەبی دەکەن هاوکاری فەلەستینییەکانی شاری غەززە بکەن.
ئەمرۆ پێنجشەممە، گروپی چەکداری حەماس، لە راگەیاندراوێکدا داوایکرد، دامەزراوەکانی فریاگوزاری و تەندروستی و خێرخوازی لە وڵاتانی عەرەبی و کۆمەڵگەی نێودەوڵەتی بەپەلە بەهانای هاوڵاتییانی غەززەوە بچن.
ئاماژەی بەوەشکرد، بۆ رزگارکردنی زیاتر لە دوو ملیۆن فەلەستینی لە برسێتی و لەناوبردنی تەواوەتی ژێرخانەکان لە ئێستادا
هێنانە ناوەوەی هەموو کەرەستە پزیشکی و فریاگوزاری و سوتەمەنییەکان پێویستە.
لای خۆشیەوە، لیژنەی نێودەوڵەتی خاچی سوور ئاشکرای کرد، رەنگە لە ماوەی چەند
کاتژمێرێکدا ئەو سووتەمەنی وپێداویستیانەی کە لە غەززەدا ماوەتەوە تەواو بێت.
ئەمەش لە کاتێکدایە جەنگی نێوان ئیسڕائیل و فەڵەستین پێی نایە رۆژی شەشەمەوە
و بە کۆی ئاماری هەردوو وڵات تا ئێستا سێ هەزار کەس گیانیان لەدەست داوە و زیاتر لە
هەشت هەزار کەسیش برینداربوون.