PM:08:47:04/10/2023
1472 جار خوێندراوەتەوە
وەزارەتی بازرگانیی ئاماری ئەو ئۆتۆمبێلانە بڵاو کردەوە کە هاوردەی هەرێم کراون، بەپێی ئەو ئامارە لە ئەمساڵدا ٨٠ هەزار ئۆتۆمبێل هاوردەی هەرێم کراون و دوا وادەش بۆ هاوردەکردنی ئۆتۆمبێلی مۆدێل ٢٠٢٢ تاوەکوو مانگی ١١ی ئەمساڵ دەبێت.
ئەمڕۆ چوارشەممە، وەزارەتی بازرگانیی حکومەتی کاربەڕێکەری هەرێم ، ئامارێکی خستە ڕوو و بە پێی ئەو ئامارە لەمساڵدا ٥٢٠ مامەڵەی هاوردەکردنی ئۆتۆمبێل کراوە، زیاتر لە ٨٠ هەزار ئۆتۆمبێل هاوردە کراون.
لای خۆیەوە، نەوزاد کامیل، بەڕێوەبەری گشتی لە وەزارەتی
بازرگانی رایگەیاند " ئەمساڵ زیاتر لە ٨٠ هەزار ئۆتۆمبێل
هاوردە کراون بەڵام ئەم هاوردەکردنە سنووردارە و بەپێی ڕێنماییەکانی حکوومەتی کاربەڕێکەری
هەرێم هەتاکوو مانگی ١١ی ئەمساڵ هاوردەکردنی ئۆتۆمبێلی ٢٠٢٢ڕیگەپێدراوە "
وتیشی "دوای ئەو وادەیە هاوردەکردنی ئەو مۆدێلەش قەدەغە
دەکرێت و پێویستە ئۆتۆمبێلی٢٠٢٣هاوردە بکرێت"
ئەمە لە کاتێکدایە، بەپێی
ئاماری وەزارەتی بازرگانیی حکوومەتی کاربەڕێکەری هەرێم ساڵی ڕابردوو زیاتر لە ١٠٠هەزار ئۆتۆمبێل هاوردەی
هەرێم کراون.
