وەزارەتی نەوتی عێراق رایگەیاند؛ داهاتی نەوتی عێراق لە مانگی ئابی رابردوودا زیاتر لە ٨ ملیار دۆلار بووە و بەراورد بە مانگەکانی رابردوو نزیکەی ٧٪ زیادیکردووە.
رۆژی یەکشەممە، وەزارەتی نەوتی عێراق راگەیەندراوێکی بڵاوکردەوە وتێیدا هاتووە، داهاتی نەوتی عێراق لە مانگی رابردوودا ٨ ملیار و ٨٤٦ دۆلار بووە و بەراورد بە مانگەکانی رابردوو نزیکەی ٧٪ زیادیکردووە.
ئاماژەی بەوەشکراوە، رێژەی داهاتی نەوتی
هەناردەکراو بۆ بەسڕە لەڕێگەی بەندەرەکانی باشوورەوە لە مانگی ئابدا ٧٪ زیادیکردووە
و بڕەکەی گەیشتووەتە ٨ ملیار و ٧٨١ دۆلار، لەکاتێکدا لە مانگی تەمموزدا بڕەکەی هەشت
ملیار و ٢٠٧ دۆلار بووە.
هاوکات، بڕی داهاتی نەوتی هاوردەکراو بۆ
ئوردون ٣٣ ملیۆن دۆلار بووە کە دەکاتە ٤٦٤ هەزار بەرمیل.
ئەمەلەکاتێکدایە، وەزارەتی نەوتی عێراق
رایگەیاند، لە مانگی تەمموزدا داهاتی نەوتی عێراق ٨ ملیار و ٢٩٣ دۆلار بووە.