سەرۆکی لیژنەی دارایی رایگەیاند، ڕێوشوێنە نوێکانی بانکی ناوەندی هاوکار دەبێت لە پاراستنی نرخی دۆلار و ئاستی بەکارهێنانی سەکۆی ئەلکترۆنی دراوەکان گەیشتووەتە ٨٥٪.
عەتوان عەتوانی سەرۆکی لیژنەی دارایی پەرلەمانی عێراق لە چاوپێکەوتنێکی تەلەڤزیۆنیدا رایگەیاند، بانکی ناوەندی ڕێوشوێنێکی نوێ دەگرێتە بەر و هاوکار دەبێت لە پاراستنی نرخی دۆلار.
ئاماژەی بەوەشکرد، ئاستی بەکارهێنانی
سەکۆی ئەلکترۆنی تایبەت بە مامەڵەی دراوە بیانییەکان گەیشتووەتە ٨٥٪ و بانکی ناوەندی
دەیەوێت مامەڵە لەگەڵ ئەو کۆمپانیای دراوانە بکات کە کڕیارەکانی ئاشکرا بن.
ئەوەشی خستەڕوو، باجی خاڵە
سنوورییەکان ١٠٪ زیاتر نییە و گرنگە باجی کاڵا بازرگانییەکان دانە بە دانە دیاریبکرێت
و بازرگانی ناڕێکخراو بووەتە هۆی شێواندنی ئابوریی و چەند رێوشوێنێکی ناحکومی هەیە کە
رێگە بە هاتنە ناوەوەی کاڵا دەدات بەبێ باج و گومرگ.
باسی لەوەشکرد، بانکی
ناوەندی دەستپێشخەرییەکی پێشنیازکردووە بۆ ئەوەی لە رێگەی بانکەکانەوە قەرزی
نیشتەجێبوون دابین بکات و پێویستە پێداچوونەوە و وردبینی بۆ پڕۆژە نیشتەجێبوونە نرخ بەرزەکان بکرێت.