دەشڵێت، "پێویستە خستنەڕووی دۆلار زیاد بکات بەو بڕەی کە بازرگانی پێ دەکرێت تاوەکو نرخی دۆلار بۆ ١٤٠ دابەزێت".

ئاماژەی بەوەکرد، بەپێی بڕیارەکەی بانکی ناوەندی بازرگانان بەهیچ شێوەیەک ناتوانن شتومەک لە دەرەوە هەناردەی ناوەوە بکەن تاوەکو دۆلار لە بانکی ناوەندی نەکڕن، ئەم بڕیارە وا لە بازرگانان دەکات مەرجەکانی بانکی ناوەندی جێبەجێ بکەن تاوەکو مۆڵەتیان پێ بدرێت شتومەکەکانیان هاوردەی ناوخۆی عێراق بکەن.

کامەران قادر ئەوەی خستەڕوو، ئەگەر بانکی ناوەندی بڕی دیاری کراو لە دۆلار بخاتە بازاڕەوە و ئەو مەرجانەی بۆ کڕینی دۆلار کە بۆ بازرگانانی داناوە، سادە بکاتەوە ئەوا نرخی دۆلار دادەبەزێت.

لەبارەی بانکە سزادراوەکانەوە باسی لەوەکرد، ئەو بانکانە مامەڵەی دۆلاریان لەسەر قەدەغەکراوە و ئەمەش کاریگەری گەورەی بۆ ماوەیەکی کورت لەسەر بازاڕ دروست کرد، ئەگەر لە چەند مانگی داهاتوودا ئەو کێشەیە چارەسەر نەکرێت کەواتە کێشەکە لە بانکی ناوەندییەوەیە.

لە ماوەی رابردوو وەزارەتی گەنجینەی ئەمەریکا مامەڵەی دۆلاری لەسەر ١٤ بانکی عێراقی قەدەغەکرد و دوای بڵابوونەوەی ئەو هەواڵە نرخی هەر ١٠٠ دۆلارێک بۆ سەروو ١٥٠ هەزار دینار بەرزبووەوە.