دەستەی کەشناسی عێراق رایگەیاند، لەم هەفتەیەدا پلەکانی گەرما نزمدەبنەوە و پێشبینیدەکرێت بارانی بەلێزمە ببارێت.
دەستەی کەشناسی عێراق راگەیەنراوێکی بڵاوکردەوە و تیایدا هاتووە، سبەینێ دووشەممە ئاسمانی هەرێم هەوری تەواودەبێت و باراندەبارێت و هەورەبروسکەی لەگەڵدا دەبێت و پلەکانی گەرماش کەمێک دادەبەزن.
ئاماژەی بەوەشداوە، رۆژی سێشەممە
ئاسمانی هەرێم نیمچە هەوردەبێت و لە رۆژهەڵاتی هەرێم ئاسمان هەوری تەواو دەبێت و
باران بەڕێژەی جیاواز دەبارێت و هەورەبروسکەی لەگەڵدا دەبێت.دەشڵێت، پلەکانی گەرما لە سەرتاسەری
وڵاتدا هاوشێوەی تۆمارکراوەکانی رۆژی پێشوو دەبن.
راگەیەنراوەکە ئەوەشی
خستووەتەڕوو، رۆژی چوارشەممە، ئاسمانی هەرێم نیمچە هەوردەبێت و ئەگەری بارینی نمەبارانی
دەبێت لە ناوچە شاخاوییەکاندا و پلەکانی گەرما کەمێک بەرزدەبنەوە.
باسی لەوەشکردووە، رۆژی پێنجشەممە
ئاسمان نیمچەهەوردەبێت و لەناوچە شاخاوییەکان نمەباران دەبارێت و پلەکانی گەرما چەند
پلەیەک نزمدەبنەوە.
ئەمە لەکاتێکدایە، ئەمڕۆ بەڕێوەبەرایەتی
کەشناسی و بومەلەرزەزانی سلێمانی راگەیەنراوێکی بڵاوکردەوە و تیایدا هاتووە، کاریگەرى
پاڵە پەستۆی هەوایەکی سارد لە عێراقەوە روو لە هەرێم دەکات و باران لە زۆربەی ناوچەکانی
هەرێم دەبارێت و ئەگەر هەیە هەورە تریشقە و لێزمە بارانى کورتخایەن دروست ببێت.
هاوکات، هەر ئەمڕۆ بەهۆی
خراپی کەشوهەوا و ئەگەری بارینی بارانی بەلێزمە لە پارێزگای ئەنبار و زیقار لەسەرجەم
دامودەزگا حکومییەکان و قوتابخانەکان بۆ سبەینێ دووشەممە رێکەوتی ٢٧ی ٣ی ٢٠٢٣ دەوام
راگیرا.
کـ - ئـ